B.M. NANCY : Cartulaire de Lorraine.

CHARTE DE FERRI III, DUC DE LORRAINE, QUI GARANTIT LA MISE A LA LOI DE BEAUMONT POUR LES BOURGS ET CHATEAUX DE MONTFORT, CHATENOIS, BRUYERES ET ARCHES.

- 1263 -

"Nos Ferris, dux de Loheraigne et marchis, faisons ascavoir à tous ceux qui ces lettres présentes verront et orront que comme nous aions mis nos chasteaux de Montfort, de Chatenoy de Bruières et d'Arches et les bourgs de ces chasteaux à la loy et à la franchise de Beaumont selon ce qu'il est contenu ès lettres nostre cher seigneur et frère Thiebault, par la grace de Dieu, Roy de Navarre, de Champagne et de Brye, comte Palatin, de nostre recongnoissance que nous en avons baillés à chaque communauté de ces devant dicts chasteaux et bourgs, nous, pour greingneure sureté, et pour ce que nous les devant dictes loy et franchises gardions plus fermement et toutes les convenances qui sont contenues ès lettres nostre devant dict cher seigneur et frère, de nostre recongnoissance, voulons et ottroions que si nous défaillons dou garder en tout ou en partie, et plaincte en venoit de par les bourgeois de ces chasteaux et des bourgs devant dictz, à nostre devant dict seigneur et frère le Roy, que il nous contraingne ou puisse faire contraindre à faire tenir et garder fermement par le nostre prenant, c'est asçavoir les fiez que nous tenons de luy en autres lieux ou on trouverroit du nostre, sans mesfaire, et qu'il les puisse saisir et tenir et lever et faire lever les issues, jusques à tant que nous eussions desfaict ce que nous aurions entrepris contre les devant dicts loy et franchises, ès lieux devant dictz. Et est ascavoir que, avec les autres fiefs que nous tenons de luy, nous avons repris de luy les devant ditz Montfort et Chastenoy, les chasteaux et les bourgs, et recongnoissons que nous les tenons de luy en fié et en hommaige.

Et pour ce que ces choses soyent fermes et estables, nous avons faict sceller ces lettres de nostre seel. Ce fut faict le mardy prochain, après la feste de Toussains, en l'an de grace que li miliaires couroit par mil deux cens et soixante trois ans."

NOTE : Ce document est transcrit dans :

Documents rares ou inédits de l'histoire des Vosges, Epinal, Comité d'Histoire vosgienne, divers éditeurs, 1868-1869, tome 2, pp.225-226.

Cet extrait du Cartulaire de Lorraine, manuscrit conservé à la Bibliothèque municipale de Nancy, a été recopié par Henri Lepage sur le registre B.419 du Trésor des Chartes. Ce document est abusivement donné pour la charte qui met à la loi de Beaumont la ville de Bruyères, entre autres, alors qu'il s'agit d'un acte de nantissement juste postérieur à l'octroi de la franchise de Beaumont. Sur cette loi de Beaumont, voir :

BONVALOT (Edouard). - Le Tiers-Etat d'après la charte de Beaumont. - Paris, Nancy, A. Picard et Sidot, 1884. - XXV-557-88 p.